सम्पूर्ण शिव तांडव स्तोत्र-रावण द्वारा रचित

                                                        

🪷🪷 शिव तांडव स्तोत्र 🪷🪷

 💥 शिव तांडव स्तोत्रम { संस्कृत में }💥

           🪔  जटाटवीगलज्जलप्रवाहपावितस्थले      

             गलेऽवलम्ब्य लम्बितां भुजङ्गतुङ्गमालिकाम।

             डमड्डमड्डमड्डमन्निनादवड्डमर्वयं 

             चकार चण्डताण्डवं तनोतु नः शिवः शिवम॥1॥

             🪔जटाकटाह सम्भ्रमभ्रमन्निलिम्पनिर्झरी-

             विलोलवीचिवल्लरी विराजमानमूर्धनि।

            धगद्धगद्धगज्ज्वलल्ललाटपट्टपावके

            किशोरचन्द्रशेखरे रतिः प्रतिक्षणं मम॥2॥

           🪔 धराधरेन्द्रनन्दिनी विलासबन्धुबन्धुर-

            स्फुरद्दिगन्तसन्तति प्रमोदमानमानसे।

            कृपाकटाक्षधोरणी निरुद्धदुर्धरापदि

            क्वचिद्दिगम्बरे मनो विनोदमेतु वस्तुनि॥3॥

          🪔  जटाभुजङ्गपिङ्गलस्फुरत्फणामणिप्रभा

            कदम्बकुङ्कुमद्रवप्रलिप्तदिग्वधूमुखे।

            मदान्धसिंधुरस्फुरत्त्वगुत्तरीयमेदुरे 

            मनो विनोदमद्भुतंबिभर्तु भूतभर्तरि॥4॥

          🪔 सहस्रलोचनप्रभृत्यशेषलेखशेखर

           प्रसूनधूलिधोरणी विधूसराङ्घ्रिपीठभूः।

           भुजङ्गराजमालया निबद्धजाटजूटकः

           श्रियै चिराय जायतां चकोरबन्धुशेखरः॥5॥

         🪔 ललाटचत्वरज्वलद्धनञ्जयस्फुलिङ्गभा

          निपीतपञ्चसायकं नमन्निलिम्पनायकम।

          सुधामयूखलेखया विराजमानशेखरं

          महाकपालिसम्पदे शिरो जटालमस्तु नः॥6॥

          🪔करालभालपट्टिकाधगद्धगद्धगज्ज्वल

          द्धनन्जयाहुतीकृतप्रचण्डपञ्चसायके।

          धराधरेन्द्रनन्दिनीकुचाग्रचित्रपत्रक

          प्रकल्पनैकशिल्पिनि त्रिलोचने रतिर्मम॥7॥

        🪔  नवीनमेघमण्डली निरुद्धदुर्धरस्फुरत-

         कुहूनिशीथिनीतमः प्रबन्धबद्धकन्धर:।

         निलिम्पनिर्झरीधरस्तनोतु कृत्तिसिन्धुरः

         कलानिधानबन्धुरः श्रियं जगद्धुरन्धरः॥8॥

      🪔  प्रफुल्लनीलपङ्कजप्रपञ्चकालिमप्रभा-

        वलम्बिकण्ठकन्दली रुचिप्रबद्धकन्धरम।

        स्मरच्छिदं पुरच्छिदं भवच्छिदं मखच्छिदं

        गजच्छिदान्धकच्छिदं तमन्तकच्छिदं भजे॥9॥

       🪔अखर्वसर्वमङ्गलाकलाकदम्बमञ्जरी

       रसप्रवाहमाधुरी विजृम्भणामधुव्रतम।

       स्मरान्तकं पुरान्तकं भवान्तकं मखान्तकं

      गजान्तकान्धकान्तकं तमन्तकान्तकं भजे॥10॥

     🪔जयत्वदभ्रविभ्रमभ्रमभ्दुजङ्गमश्वस-

     द्विनिर्गमत्क्रमस्फुरत्करालभालहव्यवाट |

     धिमिद्धिमिद्धिमिद्धवनन्म्रदगतुन्गमङ्गल-

     ध्वनिक्रमप्रवर्तितप्रचण्डताण्डव: शिव: ||11 ||

    🪔 दृषद्विचित्रतल्पयोर्भुजङ्गमौक्तिकस्रजो- 

     र्गरिष्ठरत्नलोष्ठयो: सुह्रद्विपक्षपक्षयो: |

     तृणारविन्दचक्षुषो: प्रजामहीमहेन्द्रयो:

     समप्रव्रत्तिक: कदा सदाशिवं भजाम्यहम ||12 ||

  🪔कदा  निलिम्पनिर्झरीनिकुंजकोटरे वसन 

     विमुक्तदुर्मति: सदा शिर:स्थमञ्जलीम वहन |

     विलोललोललोचनों ललामभाललग्नक:

     शिवेति मंत्रमुच्चरन कदा सुखी भवाम्यहम ||13 ||

     🪔इमं हि नित्यमेवमुक्तमुत्तमोत्तमं स्तवं 

     पठन्स्मरन्ब्रुवन्नरो  विशुद्धिमेति संततम |

     हरे गुरौ सुभक्तिमाशु याति नान्यथा गतिं 

     विमोहनं  हि देहिनां सुशंकरस्य  चिन्तनम ||14 || 

  🪔  पूजावसानसमये दशवक्त्रगीतं 

    य: शंभुपूजनपरं पठति प्रदोषे |

    तस्य स्थिरां रथगजेन्द्रतुरन्गयुक्तां 

    लक्ष्मीं सदैव सुमुखीं प्रददाति शंभु: ||15 ||

      इति शिवताण्डवस्तोत्रं यः पठेत शिवसन्निधौ।

      शिवलोकमवाप्नोति शिवेन सह मोदते॥

                                        रावण द्वारा गाया गया शिव तांडव स्तोत्रं सम्पूर्णम 

और जानने के लिए हमारे ब्लॉग पर आयें 

https://dharamkibate.blogspot.com